白癜风专科医院哪家好 http://disease.39.net/yldt/bjzkbdfyy/

作者：王国杰

沪语诵读：周恋云

沪语修正及推荐：丁迪蒙编辑：王乙其

早勒年，日本作家村松梢风就称上海为魔都，意思是“勿可思议个城市”。

近百年来，上海顶顶让人着魔个地方应该是曾经占据了上海民居四分之三以上个石库门建筑。上海石库门个设计师是西方人，伊个设计融合了中西建筑文化。

现在，石库门营造技艺已拨批准为上海非物质文化遗产。石库门建筑是上海个骄傲，也是上海个名片。我曾经勒勒石库门里度过了三十七个春秋。

前一腔，得知老房子要拆迁，我豪扫回老宅拍几张照怀怀旧，顺便搭大家聊聊石库门个中西合璧特色。走进弄堂，侬可以看到联成整排个一幢幢石库门，搿种建造方式是西方个联排式布局。而阿拉国家传统个民房每幢侪是独立建造个，勿相信到浦东去看看本地人个绞圈房就晓得了。

现在阿拉先看看石库门个外墙，墙壁上搨个是水泥。勿要小看水泥，水泥是英国年个发明，英语叫Cement，于是上海人就叫水门汀。墙壁浪还装饰用水泥制作个蝙蝠、如意佬啥。搿些侪是中国民间具有吉祥涵义个雕塑。

弄堂地哴向铺个是中式青砖、石头或石板。走进天井，地哴向铺个是西方水泥板，再看客堂间个地哴向，居然铺设华丽个西式瓷砖。要是侬勿注意，真还看不出搿些侪是独具匠心、中西合璧个杰作。

石库门个门楣雕有“五世其昌”“紫气东来”等吉祥文字。而新式石库门个门楣哴勿单单雕刻山花，还增加了西方文艺复兴式个半圆形门罩。讲究点个还勒勒石库门两边竖起一对罗马式个圆柱，既庄重又美观。中西方建筑艺术融为一体，完美无缺，令人惊叹。

我原先住勒西厢房，窗门外头还有木制个百叶窗。百叶窗是年西方个发明，玻璃窗浪挂了中国传统个布窗帘。设计师勒房间个墙壁四周镶着西方风格个画景线，画景线哴并排挂着中国国画搭西方油画，两者相映成辉，赏心悦目。设计师为了分割房间，勒勒前厢房搭中厢房之间个两边墙哴，安装了落地木棂作为房间隔断，中式木棂哴恰到好处个雕着镂空个西式山花。

使得房间有分有合，风雅大气。房门勿再采用中国传统个木榫头转轴搭仔插销，而是用了灵巧个西式铰链搭司必灵门锁。中西艺术在石库门房间里彼此扬长避短，浑然一体。勿仅整幢石库门建筑是中西合璧，上海勿少弄堂也中西合璧。阿拉住个弄堂，北边是一排老式石库门，南边却是一排比较洋气个新式石库门。不过，也分勿出阿里一边穷，阿里一边富。搿能一来，老百姓个日常生活也中西合璧了！

北面阿娘客堂间里摆着西餐台，南面王格里个客堂间倒是摆着中式圆台面；北面阿爷勒勒吹电扇，南面外公勒勒摇蒲扇；老清老早弄堂里响起“马桶拎出来！”个男高音，南面马上有抽水马桶“哗哗哗！”个冲水声音好像勒勒伴唱；北面苏州阿婆辣辣煤炉哴煎咸带鱼，洋风炉哴还炖着外国罗宋汤，南面无锡老爹边看申报纸边吃龙井茶；弄堂里喊“削刀磨剪刀”个前脚刚刚走，后脚中国乓乓响个零食“爆炒米花”个来了。

南北两边看起来好像是死对头，其实侪勒勒同一条弄堂里过日脚，邻里之间照样互帮互助其乐融融。要是勒大热天，夜里向大家拿饭摊头摆出来，照样侬请我吃杯绿豆烧，我请侬抽根大前门。还拍拍肩胛：“勿要忘记，夜里砌墙头，三缺一，勿来伤阴骘。”中西合璧个大上海，侬真是令人勿可思议个魔都！

诵读者：周恋云

丁迪蒙

迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。

丁迪蒙所撰写的，与沪语相关的著作主要有：

《学说上海话》上海科技文献出版社

《听听说说上海话》少年出版社

《实用沪语》复旦大学出版社

《上海话绕口令》少儿出版社

《上海方言词语使用手册》上海教育出版社

《上海话读成语故事》少儿出版社

《囡囡学童谣》，少儿出版社

《囡囡学成语》，少儿出版社。